House Dust Mite അലർജി – എന്തൊക്കെ ശ്രദ്ധിക്കണം ?

Article

വീട് എത്ര വൃത്തിയാക്കിയാലും നിങ്ങൾക്ക് സ്ഥിരമായി തുമ്മൽ, മൂക്കടപ്പ്, കണ്ണ് ചൊറിച്ചിൽ, ചുമ, ശ്വാസതടസം എന്നിവ ഉണ്ടാകാറുണ്ടോ?

അതിന്റെ പ്രധാന കാരണങ്ങളിലൊന്ന് House Dust Mite Allergy (പൊടിച്ചെള്ള് അലർജി) ആയിരിക്കാം.

പൊടിചെള്ളുകൾ കണ്ണുകൊണ്ട് കാണാൻ കഴിയാത്ത സൂക്ഷ്മജീവികളാണ്.

ഇവ പ്രധാനമായും കിടക്ക, തലയണ, മെത്ത, കമ്പിളി, സോഫ, കാർപ്പെറ്റ് തുടങ്ങിയ സ്ഥലങ്ങളിൽ ജീവിക്കുന്നു.

മനുഷ്യരുടെ ത്വക്കിൽ നിന്ന് അടർന്നുപോകുന്ന കോശങ്ങളാണ് ഇവയുടെ ഭക്ഷണം.

അലർജി ഉള്ളവരിൽ ഇവയുടെ ശരീരഭാഗങ്ങളും വിസർജ്യവസ്തുക്കളുമാണ് അലർജി ലക്ഷണങ്ങൾ ഉണ്ടാക്കുന്നത്.

സാധാരണ കാണുന്ന ലക്ഷണങ്ങൾ

✅ തുടർച്ചയായ തുമ്മൽ

✅ മൂക്കൊലിപ്പ് അല്ലെങ്കിൽ മൂക്കടപ്പ്

✅ രാവിലെ എഴുന്നേൽക്കുമ്പോൾ ലക്ഷണങ്ങൾ കൂടുതലാകുക

✅ കണ്ണ് ചൊറിച്ചിലും വെള്ളം വരികയും

✅ രാത്രികാല ചുമ

✅ ശ്വാസംമുട്ടൽ അല്ലെങ്കിൽ ആസ്ത്മ വഷളാകുക

✅ കുട്ടികളിൽ വായ്തുറന്ന് ശ്വസിക്കൽ

പൊടിച്ചെള്ള് അലർജി നിയന്ത്രിക്കാൻ ചെയ്യേണ്ട കാര്യങ്ങൾ

1. കിടക്കതുണികൾ ഇടയ്ക്കിടെ മാറ്റുക

ബെഡ് ഷീറ്റുകൾ, തലയണക്കവർ, പുതപ്പ് എന്നിവ സ്ഥിരമായി കഴുകി വൃത്തിയാക്കുക. പൊടിച്ചെള്ള് ഏറ്റവും കൂടുതലായി കാണപ്പെടുന്നത് കിടക്കയിലാണ്.

2. കമ്പിളിത്തുണികൾ, wool വസ്ത്രങ്ങൾ, soft toys കുറയ്ക്കുക

പഴയ കമ്പിളികൾ, wool തുണികൾ, teddy bears, soft toys എന്നിവയിൽ പൊടിച്ചെള്ള് കൂടുതൽ ഉണ്ടവുന്നതിനാൽ അലർജി വർധിപ്പിക്കാം. പ്രത്യേകിച്ച് കുട്ടികളുടെ മുറികളിൽ ഇവ പരമാവധി കുറയ്ക്കുക.

3. കിടക്കതുണികൾ ചൂടുവെള്ളത്തിൽ കഴുകുക

ആഴ്ചയിൽ കുറഞ്ഞത് 1–2 തവണ 60°C ചൂടുള്ള വെള്ളത്തിൽ ബെഡ് ഷീറ്റുകളും തലയണക്കവറുകളും കഴുകുന്നത് പൊടിച്ചെള്ള്കളുടെ എണ്ണം കുറയ്ക്കാൻ സഹായിക്കും.

4. അടിച്ച് വാരുമ്പോൾ ഇവ കാറ്റിൽ പറന്ന് കിടക്കയിൽ വന്ന് വീഴും.
അതിനാൽ അടിക്കുന്നത് ഒഴിവാക്കി പകരം HEPA filter ഉള്ള vacuum cleaner ഉപയോഗിക്കുക, അല്ലെങ്കിൽ മുറി നനച്ച് തുടയ്ക്കുക

5. അനാവശ്യ വസ്തുക്കൾ നീക്കം ചെയ്യുക

പഴയ തുണികൾ, പുസ്തകങ്ങൾ, പെട്ടികൾ, ഉപയോഗിക്കാത്ത സാധനങ്ങൾ എന്നിവയിൽ പൊടിച്ചെള്ള് അടിഞ്ഞുകൂടാനുള്ള സാധ്യത വർധിപ്പിക്കുന്നു. അതിനാൽ മുറികൾ clutter-free ആയി സൂക്ഷിക്കുക.

6. സൂര്യപ്രകാശവും വായുസഞ്ചാരവും ഉറപ്പാക്കുക

മുറികളിൽ നല്ല വായുസഞ്ചാരവും സൂര്യപ്രകാശവും ലഭിക്കുന്ന വിധത്തിൽ ജനലുകൾ തുറന്ന് വെക്കുക. ഈർപ്പം കുറയുമ്പോൾ പൊടിച്ചെള്ള്കളുടെ വളർച്ചയും കുറയും.

7. Allergy-proof mattress encasement ഉപയോഗിക്കുക

മെത്തയ്ക്കും തലയണയ്ക്കും allergy-proof covers ഉപയോഗിക്കുന്നത് പൊടിച്ചെള്ള്കളുമായി നേരിട്ടുള്ള സമ്പർക്കം കുറയ്ക്കാൻ സഹായിക്കുന്നു.

8. വീട്ടിലെ ഈർപ്പം നിയന്ത്രിക്കുക

പൊടിച്ചെള്ള്കൾ ഈർപ്പമുള്ള അന്തരീക്ഷത്തിലാണ് കൂടുതൽ വളരുന്നത്. വീട്ടിലെ humidity 50%ൽ താഴെയായി നിലനിർത്തുക. ആവശ്യമെങ്കിൽ Dehumidifier അല്ലെങ്കിൽ Air Conditioner ഉപയോഗിക്കാം.

ഏറ്റവും പ്രധാനപ്പെട്ട കാര്യം

മരുന്നുകൾ മാത്രം കഴിച്ചാൽ എല്ലായ്പ്പോഴും അലർജി പൂർണമായി നിയന്ത്രിക്കാനാകില്ല.

അലർജിക്ക് കാരണമാകുന്ന വസ്തുക്കളിൽ നിന്ന് പരമാവധി അകലം പാലിക്കുന്നതാണ് ചികിത്സയുടെ ഏറ്റവും പ്രധാന ഘടകം.

ഇതിനെ Allergen Avoidance എന്ന് പറയുന്നു.

ശരിയായ രോഗനിർണയം, അലർജി പരിശോധന, ആവശ്യമായ മരുന്നുകൾ, ചില രോഗികളിൽ Allergen Immunotherapy എന്നിവയിലൂടെ ദീർഘകാല നിയന്ത്രണം സാധ്യമാണ്.

തുടർച്ചയായി തുമ്മൽ,

മൂക്കടപ്പ്, രാത്രികാല ചുമ, ശ്വാസതടസം തുടങ്ങിയ പ്രശ്നങ്ങൾ ഉണ്ടെങ്കിൽ അവഗണിക്കരുത്. ശരിയായ പരിശോധനയും ചികിത്സയും തേടുക.

ശ്വാസം സുഖമാകട്ടെ, ജീവിതം ആരോഗ്യകരമാകട്ടെ.

📚 Learn More About Allergy Treatment

💧 SLIT: അലർജിക്കുള്ള ദീർഘകാല ചികിത്സ

അലർജി മരുന്നുകൾ മാത്രം മതിയാകാത്തപ്പോൾ, Sublingual Immunotherapy (SLIT) എങ്ങനെ ദീർഘകാല ആശ്വാസം നൽകുന്നു എന്ന് അറിയൂ.

Read Article →

House Dust Mite അലർജി – എന്തൊക്കെ ശ്രദ്ധിക്കണം ?

📚 Learn More About Allergy Treatment

Share this:

Like this:

Leave a ReplyCancel reply

Discover more from Dr. DIPIN KOODALI